బూసాన్ చలనచిత్రోత్సవంలో ‘బర్ఫీ’కి జేజేలు

లండన్: ఆస్కార్ అవార్డుల రేసులో విదేశీ చిత్ర విభాగంలో పోటీపడుతున్న భారత చిత్రం ‘బర్ఫీ’ 17వ బూసాన్ అంతర్జాతీయ చలనచిత్రోత్సవంలో ప్రేక్షకుల మనసు గెలుచుకుంది. దక్షిణ కొరియాలోని బూసాన్ సినీ ఆడిటోరియంలో ఈ చిత్రాన్ని వీక్షించిన అనంతరం 4 వేల మంది ప్రేక్షకులు లేచి నిలబడి తమ కరతాళ ధ్వనులతో ‘బర్ఫీ’కి హర్షాతిరేకాలు తెలిపారు. ఈ సినిమా కోసం కేటాయించిన పాసులన్నీ హాట్ కేకుల్లా అమ్ముడయ్యాయి. ‘బర్ఫీ’ నటీనటులు రణ్‌బీర్ కపూర్, ప్రియాంక చోప్రా ప్రేక్షకుల మధ్య కూర్చొని ఈ సినిమాను వీక్షించారు.