వామును విరివిగా వాడితే వంటకాలకు మంచి రుచే కాదు, ఆరోగ్యానికి కూడా మేలు జరుగుతుంది. వామును కొద్దిసేపు మంచినీటిలో నానబెట్టి, ఆ నీటిలో కొంచెం ఉప్పు కలిపి తాగితే వాంతుల నుంచి ఉపశమనం లభిస్తుంది. వాము తీసుకోవడం వల్ల శరీరంలోని వాతం తగ్గుముఖం పడుతుంది. కడపుబ్బరానికి కూడా వాము బాగా పనిచేస్తుంది. వాము, మిరియాలు,ఉప్పును సమభాగాలుగా తీసుకుని బాగా దంచి, రోజూ భోజనం చేసే ముందు తీసుకుంటే అజీర్తి సమస్య నుంచి గట్టెక్కవచ్చు. గుండెకు కూడా వాము వల్ల మేలు జరుగుతుంది. కరక్కాయ, తావికాయ,ఉసిరికాయలతో వామును కలిపి మెత్తటి ముద్దగా చేసి దంతాల కింది భాగంలో ఉంచితే ఎలాంటి దంత వ్యాధులూ దరిచేరవు. కొద్దిగా వామును తీసుకుని నములుతూ ఆ రసాన్ని చప్పరిస్తే గొంతు నొప్పి సమస్య తగ్గుతుంది.
No comments:
Post a Comment