‘ఏపీపీఎస్సీ ఉద్యోగాలకు ఇంటర్వ్యూలు ఉండవు’

గ్రూప్-1 మినహా ఏపీపీఎస్సీ నిర్వహించే మరే పరీక్షలకూ ఇంటర్వ్యూలను నిర్వహించబోమని ప్రభుత్వం హామీ ఇచ్చినట్లు బీసీ సంక్షేమ సంఘం రాష్ట్ర అధ్యక్షుడు ఆర్.కృష్ణయ్య తెలిపారు. ఈ విషయమై కృష్ణయ్య నేతృత్వంలో వివిధ యూనివర్శిటీలకు చెందిన విద్యార్థులు గురువారం సచివాలయంలో ప్రభుత్వ ప్రధాన కార్యదర్శి మిన్నీమాథ్యూను కలిసి చర్చలు జరిపారు. 40 కేటగిరీ పోస్టులకు ఇంటర్వ్యూలు లేకుండానే ఫలితాలివ్వాలని ఏపీపీఎస్సీ అధికారులను ఆదేశిస్తామని, ఈ మేరకు శుక్రవారమే ఉత్తర్వులిస్తామని హామీ ఇచ్చారని కృష్ణయ్య తెలిపారు.