కాఫీతో క్యాన్సర్‌కు చెక్!

News TIP-1 on 14 sep 2012 

లండన్: రోజుకు ఆరు కప్పుల కాఫీ తాగడం చాలా మంచిదని హార్వర్డ్ యూని వర్సిటీ అధ్యయనం పేర్కొంది. దీని వల్ల మహిళల్లో గర్భాశయానికి, పురుషుల్లో ప్రొస్టేట్ గ్రంధి కి క్యాన్సర్ వచ్చే అవకాశాలు తగ్గుముఖం పడతాయని అభిప్రాయపడింది. 1,17,000 మందిపై జరిపిన అధ్యయనంలో ఇది తేలిందని పరిశోధకులు వివరించారు. ఇన్సులిన్ లెవల్స్‌ను ప్రభావితం చేయడం ద్వారా కాఫీ క్యాన్సర్ నిరోధకారిగా పనిచేస్తుందని అధ్యయన కర్తలు వివరించారు.

News TIP -2-on 17 sep 12

కాఫీతో కళ్లకు చేటు!

రోజుకు మూడు కప్పుల కంటే ఎక్కువగా కాఫీ తాగేవారిలో ఒక వయసు తర్వాత గ్లకోమా (నీటి కాసులు) అనే కంటి వ్యాధి వచ్చే అవకాశాలు పెరుగుతాయని ఒక అధ్యయనంలో తేలింది. ఆ ఫలి తాలు ‘ద జర్నల్ ఆఫ్ ఇన్వెస్టిగేటివ్ ఆఫ్తాల్మాలజీ అండ్ విజువల్ సెన్సైస్’లో ప్రచురితమయ్యాయి. కంటిలో లెన్స్‌ను స్థిరంగా ఉంచేందుకు తోడ్పడే ఒక రకం ద్రవం తాలూకు ఒత్తిడి లెన్స్‌పై పెరగడం వల్ల క్రమంగా చూపు కోల్పోవడం అన్నది ‘గ్లకోమా’ వ్యాధిలో జరుగుతుంది. ఇటీవలే బర్మింగ్‌హమ్‌తో పాటు, బోస్టన్ వుమన్స్ హాస్పిటల్‌కు చెందిన కొందరు నిపుణులు కాఫీ వల్ల కంటిపై ప్రభావాన్ని అధ్యయనం చేయ డానికి పూనుకున్నారు.

నలభై ఏళ్లు దాటిక క్రమం తప్పకుండా కాఫీ తాగే లక్షా ఇరవై వేల మందిని, వాళ్ల ఆరోగ్య చరిత్రను, తీసుకునే మందులను, ఆరోగ్య సంబంధమైన ఇతర అంశాలను చాలా రోజుల పాటు పరిశీలించారు. ఇలా మితిమీరి కాఫీలు తాగుతుండేవారిలో... 40 ఏళ్లు దాటిన వారిలో ఒక శాతం మందిలోనూ, 65 ఏళ్లు దాటిన వారిలో 5 శాతం మందిలో గ్లకోమా వచ్చే రిస్క్ పెరిగినట్లు గుర్తించారు. అందుకే ఇకపై రోజులో మూడు కప్పుల కాఫీ కోటా కాస్తా పూర్తయిపోయే... నాలుగో కప్పు తాగే ముందు ఒకసారి ఆలోచించండి. మిమ్మల్ని మీరు హెచ్చరించుకోండి.