భారతదేశంలో థైరాయిడ్ క్యాన్సర్ బాధితుల సంఖ్య మిగిలిన క్యాన్సర్ బాధితుల సంఖ్యతో పోలిస్తే 0.1 శాతం నుంచి 0.2 శాతం మాత్రమే ఉంటుంది. లక్ష మందిలో ఒక పురుషుడికి, 1.8 మహిళలకు ఇది రావడం జరుగుతోంది. అదే అమెరికాలో అయితే, 2013 నాటికి ఇటువంటి క్యాన్సర్ బాధితుల సంఖ్యలో కొత్తగా 60,220 మంది చేరే అవకాశం ఉందని అంటున్నారు. థైరాయిడ్ క్యాన్సర్ సాధారణంగా థైరాయిడ్ గ్రంథిలో ప్రారంభమవుతుంది. ఈ రకం క్యాన్సర్‌లో నాలుగు రకాలున్నాయి. వీటిని పాపిలరీ, ఫోలిక్యులర్, మెడ్యులరీ, అనాప్లాస్టిక్ అనే నాలుగు రకాలుగా పిలుస్తున్నారు. మైక్రోస్కోప్‌లో ఈ క్యాన్సర్ ఎలా కనిపిస్తుందన్నది ఆధారంగా ఈ వర్గీకరణ చేశారు.
నిజానికి ఇతర క్యాన్సర్‌ల మాదిరిగానే ఈ క్యాన్సర్ కూడా భారతదేశంలో కొద్ది కొద్దిగా పెరుగుతోంది. ఇది అన్ని రకాల వయసు వాళ్లలోనూ కనిపిస్తున్నప్పటికీ, మహిళల్లో మాత్రం ఎక్కువగా వచ్చే అయిదవ క్యాన్సర్‌గా నమోదైంది. థైరాయిడ్ గ్రంథి ఆహార నాళికకు కొద్దిగా పైన ఉంటుంది. ఇది శరీరంలోని మెటబాలిజంను క్రమబద్ధీకరించడానికి ఉపయోగపడుతోంది. ఇక గుండె సమస్యల మీదా, రక్తపోటు, శరీర ఉష్ణోగ్రత, బరువు వంటి వాటి మీద దీని ప్రభావం ఉంటుంది.
కాగా, మొత్తం థైరాయిడ్ క్యాన్సర్లలో పాపిలరీ, ఫోలిక్యులర్ థైరాయిడ్ క్యాన్సర్‌ల శాతమే ఎక్కువ. ఇది 80 నుంచి 90 శాతం వరకూ ఉండొచ్చని అంచనా. అయితే, వాటికి చికిత్సను అందించడం, వాటిని అదుపు చేయడం మాత్రం ఒకే విధంగా ఉంటుంది. ప్రాథమిక దశలోనే గుర్తించగలిగిన పక్షంలో, పాపిలరీ, ఫోలిక్యులర్ థైరాయిడ్ క్యాన్సర్‌లను నయం చేయడo సాధ్యమవుతుంది.
చికిత్సలో భాగంగా, వ్యాధి పరిస్థితిని బట్టి రేడియోయాక్టివ్ చికిత్స అవసరమవుతుంది. ఇక మెడ్యులరీ థైరాయిడ్ క్యాన్సర్ థైరాయిడ్ క్యాన్సర్లలో 5 నుంచి 10 శాతం వరకూ ఉంటుంది. అనాప్లాస్టిక్ థైరాయిడ్ క్యాన్సర్ రావడమనేది చాలా తక్కువే కానీ, దీన్ని అదుపు చేయడం, దీనికి చికిత్స చేయడం కాస్తంత కష్టమనే చెప్పాలి.థైరాయిడ్ క్యాన్సర్లకు ఇదమిత్థంగా ఇదీ కారణమని చెప్పలేకపోతున్నారు. కుటుంబ చరిత్ర, ఇదివరకు వచ్చిన థైరాయిడ్ సమస్యలు, ముఖ్యంగా గాయిటర్, థైరాయిడిటీస్ వంటివి ఈ క్యాన్సర్ రావడానికి కొంతవరకూ అవకాశమిస్తున్నాయి. మెడను ఎక్కువగా రేడియేషన్‌కు ఎక్స్‌పోజ్ చేయడం కూడా ఈ క్యాన్సర్ రావడానికి దారి తీయవచ్చు. చాలామంది రోగులు మొదట్లో ఈ క్యాన్సర్‌కు సంబంధించిన లక్షణాలను గుర్తించలేకపోతున్నారు. ఈ క్యాన్సర్ పెరుగుతున్నప్పుడు లేదా వ్యాపిస్తున్నప్పుడు, మెడ ముందు భాగంలో ఓ ఉండలాగా కనిపించడం, గొంతు బొంగురుపోతుండడం, మాట్లాడడానికి ఇబ్బందిగా ఉండడం, మెడలోని నాళాలు వాయడం, మింగడానికి, గాలి పీల్చడానికి కూడా ఇబ్బందికరంగా ఉండడం, , మెడ లేదా గొంతు నొప్పిపెడుతుండడం వంటివి దీని ప్రధాన లక్షణాలుగా కనిపిస్తున్నాయి.
గొంతు లేదా మెడ భాగంలో థైరాయిడ్ నాడ్యూల్స్ వాయడం వంటివి సాధారణంగా జరుగుతూనే ఉంటుంది. అయితే, ఇందులో అయిదు శాతం మాత్రమే క్యాన్సర్‌గా మారే ప్రమాదం ఉంది. ఈ థైరాయిడ్ నాడ్యూల్‌ను పరిశీలించడానికి కొన్ని పరీక్షలు అవసరమవుతాయి. అందులో ముఖ్యమైనవి
-- శరీర పరీక్ష, లారింజియల్ పరీక్ష ఇందులో ప్రధానమైనది. అంటే అన్నవాహికను, స్వరపేటికలను ఆరంభం నుంచి పరీక్షించడం జరుగుతుంది.
- మెడకు అల్ట్రాసౌండ్ పరీక్ష.-ఫైన్ నీడిల్ యాస్పిరేషన్ (ఎఫ్.ఎన్.ఎ) బయాప్సీ...అల్ట్రాసౌండ్ గైడెన్స్ విధానంలో.
- థైరాయిడ్ పనితీరుపై లాబ్ టెస్టులు, రక్తపరీక్షలు.- ఛాతీకి ఎక్స్‌రే.- సీటీ - అయోడిన్ కాంట్రాస్ట్ లేకుండా. లేక ఇతర ఇమేజింగ్ పరీక్షలు.
- అతి తక్కువ మోతాదులో రేడియోయాక్టివ్ అయోడిన్ లేదా టెక్నీషియమ్ పరీక్షలతో థైరాయిడ్ స్కానింగ్ అవసరం.
- మాలిక్యులర్ మార్కర్లతో ఇతర రక్త పరీక్షలు... మధ్య మధ్య థైరాయిడ్ నాడ్యూల్స్ పరీక్షలు.
ఇందులో ఫైన్ నీడిల్ యాస్పిరేషన్ పరీక్ష చాలా ఆధారపడదగింది. ఈ రకంక్యాన్సర్ ఉందా లేదా అన్నది దీని ద్వారానే నిర్ధారించుకోవచ్చు. శరీరంలో థైరాయిడ్ క్యాన్సర్ ఏ స్థాయిలో ఉందీ నిర్ణయించేది, ఏ విధమైన చికిత్స అవసరమన్నది నిర్ణయించేది డాక్టర్లే. థైరాయిడ్ గ్రంథిలో క్యాన్సర్ ప్రారంభమైందని తేలిన తరువాత, డాక్టర్లు వైద్యం ప్రారంభిస్తారు. అమెరికన్ ఆంకాలజీ ఇన్‌స్టిట్యూట్ అండ్ సిటిజెన్స్ హాస్పిటల్‌లో ఈ క్యాన్సర్‌కు చికిత్స చేయడానికి ప్రతిభావంతులైన డాక్టర్లతో పాటు, పరీక్షలకు, రోగ నిర్ధారణకు అద్భుతమయిన ఆధునిక పరికరాలెన్నో ఉన్నాయి. అమెరికన్ థైరాయిడ్ అసోసియేషన్ (ఎ.టి.ఎ), నేషనల్ కాంప్రహెన్సివ్ క్యాన్సర్ నెట్‌వర్క్ సంస్థల మార్గదర్శక సూత్రాల ప్రకారమే ఇక్కడ చికిత్సలు జరుగుతాయి.
మీ శరీర పరిస్థితికి తగ్గట్టే ఇక్కడ చికిత్సలు చేపట్టడం జరుగుతుంది. ఎటువంటి థైరాయిడ్ క్యాన్సర్‌కైనా, సాధారణంగా సర్జరీ మొదటి అడుగు అవుతుంది. ఎక్కువగా థైరాయిడెక్టమీ, అంటే థైరాయిడ్‌ను తొలగించడం, ప్రామాణికమైన సర్జరీ. అయితే, కంతులు గనుక బాగా చిన్నవిగా ఉంటే, హెమిథైరాయిడెక్టమీ అంటే సగం గ్రంథిని మాత్రమే తొలగించడం ద్వారా దీన్ని తగ్గించడం జరుగుతోంది. ఒకవేళ థైరాయిడ్ గ్రంథిని తొలగించాల్సి వస్తే, థైరాయిడ్ హార్మోన్ మార్పిడి చికిత్సను అందించడం జరుగుతుంది. ఇది థైరాయిడ్ గ్రంథికి ప్రత్యామ్నాయంగా పనిచేస్తుంది.మొత్తం మీద థైరాయిడ్ గ్రంథిలో క్యాన్సర్ కారకాలన్నిటినీ తొలగించడమే ఈ ప్రతిష్ఠాత్మక సంస్థ ప్రధాన ధ్యేయం. ఇక్కడ ఉన్న కొన్నిరకాల చికిత్సా పద్ధతుల్లో ఒకదానికి రోగి పరిస్థితిని బట్టి ప్రారంభించడం జరుగుతుంది. చికిత్స పూర్తయిన తరువాత కూడా ఎటువంటి సమస్యలూ తలెత్తకుండా, రోగి ఆరోగ్యంగా ప్రశాంతంగా జీవితాన్ని కొనసాగించేవిధంగా చికిత్స జరుగుతుంది.
